|
Ra’isul Wasaaraha Britain Theresa May ayaa ka cadhootay hadal kasoo yeeray Madaxweynaha dalka Mareykanka Donald Trump oo cambaareeyay qarax maanta ka dhacay goob tareenada laga raaco oo kutaala London. Donald Trump ayaa bartiisa Twitterka soo dhigay qoraal uu ku cambaareenayo qaraxa London ka dhacay, waxa uu sidoo kale bartiisa kusoo qoray in qaraxaasi uu ka dambeeyay qof argagixiso ah oo nolosha ka dhacay ayna garanayaan booliiska . Theresa May oo Warbaahinta la hadashay ayaa muujisay in ay aad u dhibsatay hadalka kasoo yeeray Madaxweyne Trump, waxa ayna ku eedeesay Trump in uu ka hadlay mala awaal uuna ka hor dhacay baaritaanka. ”Anigu u malayn maayo in ay waxtar leedahay mala awaal la sameeyo iyada oo baaritaan socdo ayna arinta gacanta ku hayaan Booliiska, ayey tiri Theresa May oo daba socota hadalkii Trump uu bartiisa soo dhigay. Madaxweynaha dalka Mareykanka ayaa bartiisa Twitterka si deg deg ah usoo dhigay markii Qaraxa ka dhacay London in qofka fuliyay uu nolosha ka dhacay uuna yahay qof ay garanayaan ciidamada booliiska. |