Hargeysa(Halsan):- Ciidamada ilaalada xaduuda dalka Spain, ayaa gacanta ku dhigay gaari yar oo nuuca raaxada ah, kaa oo qeybo kamid ah lagu soo qariyay dad Afrikaan ah oo doonayay in ay qaab tahriib ah ku galaan Dalka Spain.
Gaariga yar ayaa qeybo kamid ah sida Kursiga la fadhiisto waxaa lagu soo xiray ruux , waxaa sidoo kale gaariga qeybihiisa dambe iyo qeybo kalaba lagu soo xir xiray dad kale oo la doonayay in laga gudbiyo xaduuda Dalka Spain la wadaago dalka Maroko.
Ciidamada ayaa layaab ku noqotay sida gaarigan loogu soo qariyay dadkan Tahriibayaasha ah, waxaana markii la baaray gaariga qeybo kamid ah loogu tagay rag ku xir xiran oo la doonayay in looga gudbiyo xaduuda.
Horey ayey Ciidamada ilaalada xaduuudaha dalka Spain u qabteen dad kale oo lagu safrinayay boorsooyin waa weyn, hasa ahaatee sheekadan gaariga dadka lagu soo xir xiray ayaa noqotay mid layaab badan si weyna looga hadal hayo dalka Spain.
