|
Kooxo biskoolado ku hubeesan ayaa maanta Degmada Wadajir gaar ahaan agagaarka Isbitaalka Madiina waxa ay dil ugu geesteen nin la sheegay in uu katirsanaa ciidanka booliiska dowlada Soomaaliya. Goob joogayaal ayaa ku waramay in dhalinyaro biskoolado ku hubeesnaa ay dhoor xabo ku dhufteen askariga booliiska katirsan, waxaana goobtaasi si deg deg ah uga baxsaday ragii dilka ka dambeeyay. Askariga oo magaciisa lagu sheegay C/llaahi Cali Maxamed ayaa isaga oo dhaawac culus qaba waxaa la keenay isbitaalka Madiina halkaas oo la sheegay in markii dambe ugu geeriyooday dhaawacii so gaaray. Ciidamo katirsan xasilinta ayaa gaaray halka uu dilku ka dhacay, mana jiro ilaa hada dad loo soo qabtay dilka askarigan katirsanaa ciidanka booliiska. Dilalka qorsheesan ee ka dhaca magaalada Muqdisho ayaa maalmihii lasoo dhaafay ahaa kuwa aad ugu yar Muqdisho, waxaana magaalada howlgalo amaanka lagu xaqiijinayo ka waday ciidamada xasilinta Xamar. |