|
Xarakada Al Shabaab ayaa shaacisay in dagaalo xoogan oo maanta ka dhacay deegaano hoostaga Degmada Buulo Mareer ee gobolka Shabeelaha Hoose ku dileen saraakiil iyo askar badan oo katirsan Ciidamada Nabad ilaalinta u jooga Soomaaliya ee AMISOM. War kasoo baxay Taliska Al Shabaab ayaa lagu sheegay in Dagaal xoogan oo saakay ka qarxay deegaanada Danoow iyo Golweyn oo hoostaga Buulo Mareer ku dileen ciidamo badan oo katirsan AMISOM gaar ahaan ciidamo kasoo jeeda dalka Uganda. Afhayeen u hadlay Al Shabaab ayaa sheegay in ciidankooda khasaaro xoogan dagaalka ku gaarsiiyeen Ciidamada AMISOM, waxa uuna sheegay in ay dul tageen ciidankooda Meydadka 39-askari oo Ciidamada AMISOM katirsan ”Dagaall xoogan oo saakay ka dhacay Sh/Hoose waxaa lagu jabiyay AMISOM, dagaalyahanadeenu waxay dul istaageen oo ay gacanta ku hayaan Meydadka 39 Askari oo saraakiil sare sare kamid yihiin, dhammaan wixii hub ahaa ee ciidankaasi watayna waa laga qaniimeystay” sidaas waxaa yiri Afhayeen u hadlay Taliska ciidanka Al Shabaab. Taliska AMISOM ayaan wali ka hadlin dagaalka xoogan ee saakay ka dhacay deegaanada Hoostaga Degmada Buulo Mareer, waxaana dagaalka halkaasi ka dhacay la sheegay in uu ahaa mid aad u xogan oo khasarao badan geestay. |