Shir Looga Hadlayo Mashaariicda Bankiga Hormarinta Afrika Oo Maalintii Labaad Galay
Waxaa Maalintii labaad galay shir u dhexeeya Dowladda Soomaaliya iyo Bankiga horumarinta Afrika, shirkaas oo dib loogu eegayo mashaariicdii uu ka fuliyay dalka tan iyo 2022- 2024.
Wasiirka Maaliyadda Xukuumadda Soomaaliya Biixi Imaan Cige ayaa furay shirka oo dhammaan hay’adaha dowladda lagu qiimeyn doono mashaariicda Bankiga horumarinta Afrika uu maal gelinayay sanadihii lasoo dhaafay, wax qabadkoodii iyo caqabadihii uu la kulmay.
Qiimeyntan ayaa saldhig u noqon doono qorshaha Bankiga horumarinta Afrika uu diyaarinayo shanta sano ee soo socoto, sida uu sheegay Wasiir Biixi Iimaan Cige.
Wasiirka Maaliyadda XFS Mudane Biixi Imaan Cige ayaa Bankiga horumarinta Afrika ugu mahad celiyay doorka ay ka qaateen kobaca dhaqaalaha dalka iyo dhiirri gelinta maalgashiga iyo xasaradaha ka dhasha is-beddelka cimilada.