|
Qoys ka kooban shan ruux oo ku socday magaaladda Dublin si ay u soo xafladeeyaan ayaa dayuurad helicobter ah oo ay la socdeen waxay kula burburtay waqooyiga gobolka Wales ee dalka Britain. Waxaa la sameeyey baaritaan xoogan oo lagu raadinayay diyaaradan burburtay oo markii hore ka soo duushay magaaladda Luton. Maydadka dadkan ku le’day shilkan diyaaradeed oo gaaraya shan qof ayaa markii dambe la hellay, iyadoo kooxaha wax badbaadiya ay soo heleen burburka wixii ka soo harray dayuurada. Ehelka iyo qaraabada dadkan dhamaaday ayaa loo sheegay geerida shantan qof oo dhamaantood ahaa dad waaweyn. Waxaa sidoo kale la billaabay baaritaan la xiriira bal in la ogaado waxa sababay shilka diyaaradan. Booliska ayaa sheegay inay joojinayaan baadigoobka la wado sababo la xiriira xaalada cimilada degaanka oo aad u xumaatay, iyadoo dadweynaha looga digay inay u dhowaadaan goobaha laga wado baaritaanka. |
