|
Waxaa goordhaw qarax xoogan oo la sheegay in uu ahaa mid gaari lagu soo xiray uu ka dhacay afaafka hore Masaajidka Macalin Cabdi ee Kuyaala Isgooska Cali Kamiin ee Degmada Wardhiigley. Qaraxa ayaa la sheegay in uu ahaa mid lagu xiray gaari lagu baakimay baanaanka hore ee Masaajidka Macalin Cabdi, waxaana warar soo baxaya sheegayaan in qaraxaasi uu lahaa nin dhaqtar ah halka warar kalana sheegayaan in uu gaariga lahaa nin ka shaqeeya Bangiga Dhaxe. Inta la xaqiijiyay labo qof oo shacab ah kana ag dhawaa halka uu qaraxu ka dhacay ayaa ku dhaawacmay, waxaana qaraxaasi ka bad baaday ruuxii lahaa gaariga qaraxa lagu xiray lahaa kaa oo la sheegay in uu masjidka ku jiray xiliga uu qaraxu dhacayay. Ciidamo katirsan Booliiska iyo Nabad Sugida Qarankaayaa gaaray halka uu qaraxu ka dhacay , waxa ayna halkaasi ka sameeyeen howlgalo, mana jiro ilaa hada qof loo soo qabtay qaraxaasi goordhaw Isgooska Cali Kamiin. Qaraxyada gawaarida la isugu xiro ayaa maalmahan kusoo batay magaalada Muqdisho, waxaana isbuucii hore dhacay qaraxan oo kale, inkastoo gaariga qaraxa isnalagu soo xiray uu qarxay xili aysan qofna saarneen. |