Mucaaradkii oo noqday buurtii foolatay ee dooliga dhashay!
Xizbiyada mucaaradka ee Somaliland ayaa dhawanahan sidaynu la wada socono
aad u dhaliishana xukumada madaxweyne siilaanyo, dhaliishaas oo tiro badan,
haday noqoto doorashada mudo dhaafka ah, xaalada aminga ee wadanka,
maceeshada iyo sixir bararka oo xad dhaafay.
Hadaba ayadoo dhamaan shacab weynaha Somaliland ay aad u dhaliishanaayeen
gaabiska iyo hawlgabka ku yimi xisbiyadii mucaradka oon qadananin doorkii ku
waajibka aha ee mucaradnimo ayaa kasii darane shirkii ay ku dhawaqeen ayagoo
weliba isbahaystay labada xisbi mucaarad uu noqday mid dhicisoobay.
Marka aad u fiirsato afarta qodob ee ay ku dhawaaqeen isbahaysiga mucaaradku
waa miid aad u liita muujinayana calaacal iyo daciifnimo ku jirta mucaaradka taas
oo keenaysa inay xukuumad maanta talada haysaa ay ku sii dhiirato talaabooyinka
arxan darro ee ay dalka iyo dadka ku hayso.
Waxay shacabku sugayeen talaaboyin ficil oo ku dhiirasho mudan lakiin ‘‘beesha
caalamka ayanu codsanaynaa’’ waa mid shacabka Somaliland meel ku dhac iyo
naaqusnimo ku ah.
TALO
Aduunkan aynu ku noolnay mucaaradku sifooyin kala duwan aya uu is ticmaalaa si
uu shacabka xaqiisa u soo dhiciyo ayadoon laga tegeyn ilaalinta aminiga iyo
dhaqanka ummad kastaba leeday. Tusaale
Waxaa mucaradka Somaliland u furnayd fursado badan:-
- Inay ka faaidaystaan ruqsadii maxakamad sare ay siisay shirkoodana ay
baladhiyaan oo ay la shiraan:-
- madax dhaqameedka
- dhalinyarada
j.culimada diinta
- inay sameyaan [ROAD MAP] jadwal waqtiyaysan oo hawl qabad ilaa heer gobo
loo ka bilaabmaya [DIGNIIN ilaa FICIL CELIN]
- beesha caalamka oo loo qaylo dirto iyo mudaaharaad waa inay noqdaan
talaabooyinka u danbeeye aanay waxba ka danbeyn
WAXAA QORAY:- MUJTAHID
Xidhiidh:- mujtahid01@outlook.com