MADAXWAYNAHA JSL OO TACSI UDIRAY MARXUUM GANACSADE XAAJI ABIIB JIBRIIL OO KU GEERIYOODAY MAGAALADA HARGAYSA
TACSI MADAXWEYNE
INNAA LILLAAHI WA INNAA ILAYHI RAAJICUUN
Madaxweynaha Jamhuuriyadda Somaliland, Mudane Muuse Biixi Cabdi, isagoo ku hadlaya magaciisa, ka dawladda iyo ka shacbiga Somaliland, waxa uu dhambaal tacsi ah u dirayaa, Ganacsatada, waxgaradka, waayeelka, aqoonyahanka, qoyska, ehelada, qaraabada, asxaabta, iyo shacbiga Somaliland ee uu ka baxay Alle ha u naxariistee mulkiilihii Hotelka Saw ee Magaalada Boorama Marxuum Xaaji Abiib Jibriil Nuur oo ku geeriyooday maanta oo ay taariikhdu tahay 09/06/2020, caasimada Somaliland ee Hargeysa, gaar ahaan Gargaar Hospital.
Madaxweynuhu waxa uu marxuumka ku sifeeyey mid ka mida odayaasha dalka iyo ganacsatadaba, kana mid ahaa waayeelka qaybta weyn ka qaatay dib u dhiska dalka, mudooyinkii u danbeeyeyna ka hirgeliyey ganacsiyo kala duwan.
Waxaanu madaxweynuhu marxuumka ALLE uga baryayaa inuu naxariistii janno ka waraabiyo, waxgaradka, waayeelka, aqoonyahanka, qoyska, ehelada, qaraabada, asxaabta iyo shacbiga Somaliland ee uu ka baxayna samir iyo iimaan saadiqa ka siiyo.
ALLAA MAHAD LEH
Maxamuud Warsame Jaamac
Af-hayeenka Madaxweynaha JSL.