Madaxda Xisbiga Mucaarid ka ah ee WADDAN oo la kulmay bulshada kala duwan ee beesha Haashin Arab
Kulankan balaadhan oo ka dhacay hoyga musharraxa madaxweynaha Xisbiga WADDANI waxa si weyn loogu taageeray hadal uu jeediyay Suldaan Barre Xaaji Xuseen Carraale oo nuxurkiisu ahaa in dadka uu suldaanka u yahay taageeraan Xisbiga WADDANI.
Qaybaha kala duwan ee madasha ka qayb galay ayaa si buuxda u taageeray Xisbiga WADDANI islamarkaana si diirran u soo dhaweeyay baaqa isbedel doon ee Suldaan Barre.
Madashan waxa goob joog ahaa Musharraxa Madaxweynaha Xisbiga WADDANI mudane Cabdiraxmaan Maxamed Cabdillaahi Cirro, Guddoomiyaha xisbiga mudane Xirsi Cali X Xasan, guddoomiye kuxigeenka Xisbiga Marwo Milgo Sanbalooshe, guddoomiye kuxigeen Maxamed X Yuusuf Waabeeyo, xoghayaha guud Khadar Xuseen Cabdi, xoghayaha Warshadaha Sakariye Cabdiraxmaan Ismaaciil, Afhayeenka garabka dhallinyarada Cabdiraxmaan Ismaaciil Xuseen, xoghayaha dhallinyarada iyo ciyaaraha Yuusuf Nuux Yuusuf Tadhase, Xildhibaanno iyo masuuliyiin sarsare oo xisbiga ah.
Masuuliyiinta ayaa dhammaantood si diirran u soo dhaweeyay taageerada iyo barbar istaagga haldoorka Beesha Haashin iyo ajiibidda degdegga ah ee baaqii Suldaan Barre, islamarkaana tilmaamay in xisbigu u heellan yahay kaalintooda isbedel doon.
