Wajaale:(Halsan):-Dab xoogan ayaa ka kacay guri nooca faransaawiga looyaqaano ah oo ku yaalay
xaafada baddacas ee magaalada tog wajaale abbaaro sagaalkii iyo badhkii
habeenimo ee xalayto . dabka ayaa ganbi ahaanba baabi,iyay gurigaasi. Dabka
ayaan ilaa hada la xaqiijin sababha dhaliyay.
Waxa isla daqiiqado yar ka dib soo gaadhay gudoomiyaha degmada tog-wajaale
mudane Aadan Shiine oo isagu markiiba ku wargaliyay shaqalaha dabdamiska in
ay si dhakhsele u soo gaadhaan una bakhtiiyaan gurigaasi. Dabdamiska ayaa
isla markiiba hawlgalka dabinta dabkaasi ka qaybqaatay. Waxaana lagu
guulaystay in la xakameeyo lana damiyo dabkaasi.
Dhanka kale mudane aadan shine oo isagu ahaa masuulka kaliya ee dabinta
dabkani goobjooga u ahaa ayaa waxa uu goobtaasi ka sheegay in uu si dhakhso
ah u bilaabi doono furista jidadka magaalada iyo guud ahaan Town plan -ka
magaalada is ay u fududaado isku socodka magaaladu loona helo wadoonyin ay u
soo maraan dabdamiska iyo adeegyada kale ee ay u baahanyihiin.
Bulshadadii badnayd ee halkaasi isugu timid oo dhamaantood u sacabinayay ayaa
amaantay waxqabadka gudoomiyaha. Iyaga oo aan maamuladii hore uga baran
gudomiye sidan oo kale uga qaybqaata dab daminta dabka inta badan habeenkii
kaca.