Faizal Cali Waraabe oo xisbiga Ucid kolba suuqa soo dhiga oo ku qora For Sale ayaa markuu arkay in Kulmiye garab dhami ka fuqay u hanqal taagay in ay ku soo biiraan Ucid. Dabeed Jamaal iyo Abdirasheed waxay ku tagaan buu tusay isagoon u hubsanin in garabka Kulmiye ka baxay ku soo biirayaan. Aakhirkii Faizal wuxuu ogaaday in garabka is bahaysiga ee Kulmiye aanay xisbiga Ucid ka mid noqonayn kuwii xisbiga Ucid musharixiinta ka ahaana midna waa is casilay ka kalena waxba uuma yaalaan Ucid. Hadaba qofka fudud een fayoobayn taas oo kale ayaa ku dhacda oo waakaa Faizal maantaba cidla ciirsila ka calaacalaya xisbigiina gacan tiisa ku gowracay oo waali wax uuga dhimani aanay jirin. Faizal beeshiisa laba jeer buu ka diiday dhex-dhexaadin si ay uuga sii mid ahaanayaan xisbigana jiri mayso. Xisbiga Ucid halkaa ayuu kaga hadhay tartan uu xisbiyada la galo oo cid ku sii mid ahaan karaysaa ma jirto oo waa xero nin maryaha sita laakiin aan maskaxda ka caafimaad qabini hor fadhiyo. Faizal caqli ku filan na malaha in cidi wax u sheegtana ma ogola dabeed waa in uu cidladaa ka cataabaa.