|
Haweeney u dhalatay dalka Hindiya oo lagu magacaabo Manita Singh, ayaa mar qura dhashay Shan Gabdhood oo mataano ah, waxaana la sheegay in 30-daqiiqo kaliya ay u dhaxeysay in ay ku dhashaan mataanahan. Manita Singh, ayaa markii ay foosha qabatay waxaa loola cararay isbitaal ay Dowlada hoose leedahay oo kuyaala magaalaa Ambikapur ee dalka Hindiya, waxaana haweeneydan lagu wargliyay in ay fool tahay , mana u heysan in ay dhaleyso wax ka badan hal cunug iyadoona layaab ku noqotay in shan cunug ay dhasho. Aabaha dhalay caruurtan mataanaha ah ayaa sheegay in uu aad ugu faraxsanyahay in ay u dhashaan shan gabdhood oo mataano ah uuna uga mahad celinayo ilahaey, waxa uuna tilmaamay in uu siin doono nolol fiican kana heli doonaan naxriis iyo jaceyl. Dhaqaatiirta ayaa sheegay in caruurtooda xaaladooda caafimaad ay tahy mid hagaagsan ayna si cadai ah u dhasheen iyada oon wax qaliin ah lagu sameyn hooyadooda,waxa ayna tilmamaeen in si dhaw ula socon doonaan xaalada caruurtan mataanaha ah. |
