|
Kooxda Daalibaan ayaa maalmo kadib qiratay in Duqeyn Diyaaradeed lagu dilay Hogaamiyahoodii Mullah Akhtar Mansoor , waxa ayna Durba kooxda yeelatay Hogaamiye cusub oo badalaya Hogaamiyahoodii la dilay. Daalibaan ayaa durba shaacisay in ay yeeatay Hogaamiye cusub oo lagu magacaabo Haibatullah Akhunzada iyo labo kuxigeen, waxaana Hogaankan cusub uu halkiisii kasii wadi doonaan Dagaalka ay kooxdaasi ka wado Dalalka Afgaanistaan iyo Pakistan. Kooxda Daalibaan ayaa marar baan beenisay geerida Hogaamiyahoodii Mullah Akhtar Mansoor , oo Diyaaradaha Dagaalka Dowlada Mareykanka dhawaan ku dileyn duqeyn ka dhacday xadka ay wadaagaan Dalalka Pakistan iyo Afgaanistan. Mullah Akhtar Mansoor , ayaa horey u badalay Hogaamiyihii hore ee Kooxda Daalibaan Mulla Cumar oo isna kal hore geeriyooday, waxaana magacaabista Hogamaiyahan Cusub ee Kooxda Daalibaan kusoo aadeysa xili shaki laga muujinayay geerida Hogaamiyihii hore ee kooxdaasi. |