|
Wararka ka imaanaya dalka Kenya ayaa sheegaya in dagaalyahano hubeesan oo katirsan Xarakada Al Shabaab xalay howlgal ka fuliyeen xaafado katirsan Deegaanka Lamu oo kuyaala gobolka Xeebta dalka Kenya. Sargaal katirsan booliiska Kenya ayaa sheegay in Dagaalyahanada Al Shabaab labo howl gal ka fuliyeen xaafadaha Silini-Mashambani iyo Bobo oo ku yaalla Galbeedka Laamu, waxa ayna Al Shabaab xaafadahaasi ku gowraceen afar nin. Dadka deegaanka ayaa ka argagaxay markii arkeen meydadka afar qof oo deegaanka katirsanaa oo la Gowracay, waxaana Deegaanka Lamu kusii korortay cabsida dadku ka qabaan weerarada Al Shabaab. Al Shabaab ayaa marar badan weeraro waxa ay ka geesteen gudaha dalka Kenya gaar ahaan deegaanka Lamu, waxaana wali gudaha Kenya kusoo kordheysa cabsida ay dadku ka qabaan weerarada Al Shabaab gaar ahaan dadka kunool Deegaanada dhaca xadka Soomaaliya. |